A Custodia do Territorio é un conxunto de estratexias e ferramentas que procuran involucrar as persoas propietarias e usuarias do territorio na conservación dos valores naturais, culturais e paisaxísticos da zona, así como promover o uso sostible destes recursos.
Nesta liña de actuación desde Euroeume levamos a cabo actividades para:
- Colaborar na custodia e recuperación dos bosques autóctonos. En colaboración coa Asociación Betula, colaboramos en actuacións de deseucaliptización e plantación de especies autóctonas en parcelas que son propiedade ou ten cedidas esta asociación.
- Actividades interasociativas para recuperar espazos significativos do patrimonio da comarca, tanto material como inmaterial.
- Actividades de difusión e sensibilización para o coñecemento e conservación do patrimonio material e inmaterial da comarca do Eume.
- Saídas para coñecer os principais elementos do patrimonio cultural e natural da comarca.
- Actividades de limpeza de espazos naturais
- Recollidas de saberes tradicionais da comarca.
