O vindeiro 10 de xuño, na Casa da Cultura do concello de Pontedeume, celebraremos o primeiro “Encontro de Asociacións do Eume e comarcas veciñas”.

O “Encontro de Asociacións do Eume e comarcas veciñas 2023” xorde da necesidade de fortalecer o tecido asociativo da comarca, e co obxectivo de valorizar as relacións entre as asociacións, para coñecernos máis e poder participar de procesos conxuntos, colaborando entre nós.

O Encontro é un mostrario dalgúns dos proxectos e actividades das asociacións da comarca. Ese día tamén teremos unha dinámica inter-asociativa (aberta á participación de representantes de calquera asociación) para coñecer e comezar a traballar con outras asociacións, e remataremos cun pouco de música e un piquenique.

Está producido pola Asociación Rural Contemporánea e a Asociación Euroeume. Conta coa colaboración do Concello de Pontedeume, cedendo a Casa da Cultura para facer o acto.

En caso de querer participar na dinámica inter-asociativa pedímosvos previa incripción mediante este fórmulario: https://forms.gle/tEPqqtfgz22YCYRr6”