EuroEume é unha asociación sen ánimo de lucro, declarada de interese público, que ten por obxecto o desenvolvemento local.

Traballamos por un desenvolvemento sostible baseado nas potencialidades do territorio que, ademais da dimensión económica, contemple o benestar social e a conservación da natureza. Así este modelo fundaméntase no aproveitamento respectuoso dos recursos propios da comarca.

Euroeume é unha asociación de asociacións, que está formada por 40 colectivos, entre os que se inclúen asociacións agrarias, veciñais, culturais, medioambientais, cooperativas, sindicatos e os cinco concellos da comarca do Eume. Partindo dos principios de portas abertas e pluralidade, na Xunta Directiva da asociación está presente unha ampla representación da sociedade civil.